Shkrimtarja spanjolle "Gjërat më të thjeshta më hapën sytë ndaj Islamit"

MADRID: Ky mund të mos jetë Ramazani i saj i parë, por për myslimanen spanjolle Amanda Figueras ende ndihet i freskët.

Ajo u bë muslimane disa vjet më parë dhe për të Ramazani është gjithmonë një muaj shumë i veçantë. 

Në fillim, kur e praktikoja Islamin vetëm me askënd në familjen time për ta ndarë atë, unë shkoja në xhami dhe prisja agjërimin atje dhe bëja namazin e taravive. Gjithmonë më pëlqente sesi më prisnin motrat myslimane aty. 

Tani është ndryshe. Që nga martesa e saj disa vjet më parë, ajo ndan besimin e saj me burrin e saj egjiptian dhe një djalë tre vjeç. "Ne kemi bërë disa dekorime në shtëpi, ne përpiqemi t'i tregojmë djalit tonë shpirtin e Ramazanit."

 
Amanda e cila është një gazetare dhe një shkrimtare nuk e konsideron veten një muslimane  të konvertuar.

 
Nuk kam ndryshuar nga një fe në tjetrën. Unë nuk isha besimtare, thjesht nuk kisha besim, thotë ajo. Kjo e bën zgjimin tim personal magjepsës sepse gjeta se ekziston Zoti dhe se Islami ishte ajo që unë dëshiroja për jetën time, shton ajo. Unë ndeshem me Islamin sepse si gazetare duhej të shkruaja për njerëzit myslimanë dhe e kuptova që nuk kisha ide fare. Fillova të lexoj pa ndërprerje dhe u dashurova me Profetin tonë Muhamed (Paqja qoftë mbi të) pasi mësova për karakterin e tij bujar dhe përulësinë e vërtetë. 

Pastaj, duke lexuar Kur’anin e Shenjtë, veçanërisht ato ajete që theksojnë përsosjen e natyrës, fillova ta gjej dhe ta ndiej Allahun. Gjërat më të thjeshta ishin ato që më hapën sytë drejt Islamit ". 

 
Vendimi për t'u bërë muslimane e befasoi familjen e time, tha ajo. 

Për familjen time nuk ishte e lehtë, ata reaguan në mënyrën normale: me frikë. Për mua ishte e dhimbshme të shihja se si në të njëjtën kohë që po gjeta lumturi dhe qetësi, ata po ndiheshin keq për këtë. Por Islami po më jepte vetëm gjëra të mira. 

Gjithsesi ne nuk flasim shumë për këtë, dhe fatkeqësisht unë i kam humbur të dy prindërit e mi. 

Sidoqoftë, unë jam e lumtur që kam një familje të vogël dhe një burrë që është gjithmonë mbështetës i projekteve të mia dhe natyrisht i kureshtjes time për të ditur më shumë për fenë tonë.

Ajo pranon se fillimi i udhëtimit të saj në Islam ishte gjithashtu konfuz për të. 

Pengesa kryesore që kam hasur kur fillova të ndiej se më pëlqente shumë Islami ishte ajo e paragjykimeve të mia dhe e disa ideve të gabuara. Sidoqoftë, zbulova se Islami është i bukur, se gjithçka ka të bëjë me besimin, bujarinë dhe faljen, tha ajo. 

 
Amanda është e apasionuar pas nxitjes së dialogut dhe ndërtimit të urave midis popujve të ndryshëm, si dhe luftën kundër Islamofobisë dhe gjuhës së urrejtjes.

Ajo filloi të punojë 5 vjet më parë si menaxhere e projektit dhe komunikimit në Foro Abraham për Dialogun Ndërfetar dhe Ndërkulturor. 

 
Amanda thotë se ajo përballet me disa vështirësi brenda shoqërisë spanjolle si një myslimane spanjolle. Sot, unë ende përballem me shikime urrejtjeje nga ana e atyre që e urrejnë Islamin - pa e ditur atë - dhe nga ana e atyre që mendojnë se unë kam hequr dorë nga "kultura e zhvilluar" evropiane për të adoptuar kulturën e barbarëve. Unë jam spanjolle dhe kjo është kultura ime, e cila është në përputhje të plotë me Islamin.

Ajo këmbëngul q